Хонконгийн нэрт жүжигчин Жэкки Чаныг таалал төгссөн тухай мэдээлэл цацагдав. Тодруулбал, шинэ киноныхоо зураг авалтыг хийхээр Австрали улсад очсон Жеки Чан орлон тоглогчгүйгээр зураг авалтад орсноос амь эрсэдсэн тухай мэдээлэл шүтэн бишрэгчдийг нь түгшээсэн билээ.
“Оргил цаг” киногоороо дэлхийн алдрын оргилд хүрсэн Ноён Чан уг мэдээллийг цахим хуудсаар дамжуулан үгүйсгэжээ. Улмаар “Би онгоцноос буусан даруйдаа хоёр мэдээлэлд гүн “шок”-нд орлоо. Нэгдүгээрт битгий санаа зов. Би одоо болтол амьд байна. Хоёрдугаарт, Red Pocket-ийн тухай миний Weibo дахь нэрийг ашиглаж худал цуурхал тараасанд итгэхгүй байна. Энэ бол миний албан ёсны фейсбүүк хаяг төдийгүй надад албан ёсны ганцхан Weibo хаяг байдаг. Мэндчилсэн Жэкки Чан” хэмээн өөрийн нүүр номдоо оруулсан байна.
Энэ нь түүнийг үхсэн тухай мэдээлсэн анхны тохиолдол биш ажээ. Урд нь “Жэкки Чан 2011 оны наймдугаар сарын 17-нд өнгөрлөө. Чи шүтэн бишрэгчдийнхээ зүрхэнд үүрд орших болно” хэмээн цахим ертөнцөөр тарж байжээ.