Израил улс гуравдугаар сарын 1-нээс вакцин хийлгэсэн болон хамрагдаагүй жуулчдыг нэвтрүүлэх боловч PCR-ийн шинжилгээг хоёр удаа өгсөн байх ёстой гэж тус улсын Ерөнхий сайдын хэрэг эрхлэх газар мэдэгджээ.
Израилын Ерөнхий сайд Нафтали Беннет, Эрүүл мэндийн сайд Ницан Говориц нар коронавирусний хязгаарлалтыг сулруулах шийдвэр гаргасан байна.
Тодруулбал, мэдэгдэлд дурдсанаар, гуравдугаар сарын 1-нээс вакцин хийлгэсэн болон хийлгээгүй ямар ч насны жуулчдыг тус улсад нэвтрэхийг зөвшөөрсөн боловч Израил руу нисэхээсээ өмнө болон тус улсад буусныхаа дараа PCR-ийн шинжилгээ өгөх нөхцөлийг биелүүлсэн тохиолдолд нэвтрүүлэх аж.
Тус улс нэгдүгээр сард вакцин тариулсан болон халдвар аваад эдгэрсэн жуулчдад хилээ нээсэн билээ.