Байгаль орчин, хүнс, хөдөө аж ахуйн байнгын хорооны хуралдаан өнөөдөр хуралдах товтой байсан ч ирц хүрээгүйгээс хойшлогдлоо. Өнөөдрийн хуралдаанаар өнгөрсөн хугацаанд агаарын бохирдлын чиглэлээр хийж хэрэгжүүлсэн ажил болон зарцуулалтын талаар Ерөнхийлөгчөөс ирүүлсэн ерөнхий хяналтын сонсгол зохион байгуулах ажлын хэсгийн ахлагчийг томилж хугацааг товлох байсан юм. Өнөөдөр мөн Аюулгүй байдал, гадаад бодлогын байнгын хороо хуралдахаар товлогдсон байсан боловч ирц хүрсэнгүй. Тус байнгын хорооны хуралдаанаар олон улсын гэрээг соёрхон батлах асуудлыг хэлэлцэх байсан юм.