Цагаан сараас өмнө 1072 хувьцааны ногдол ашиг авахыг шаардаж иргэд нүцгэлэв.
Иргэн Г.Хажидмаа “Бидний зүгээс төр засгийн удирдлагуудаас хоёр жил шаардсаны эцэст иргэддээ ногдол ашиг өгөхөөр тогтоолын төслийг УИХ-аар хэлэлцлээ. Гэсэн ч тус тогтоолын төсөлд бидний хүсэж байсан үр дүнг тусгаж өгөөгүй байна.
2018 онд нийт хүн амын 50 хувь нэн ядуу гэж байсан бол өнөөдөр УИХ-ын индэр дээрээс 75 хувь нэн ядуу болсон байна гэх зүйлийг гишүүд ярьж байна. Энэ бол төр засаг барьж байгаа хүмүүс улсыг удирдаж чадахгүй байгаагийн илрэл юм. Амьжиргаа доройтсон энэ үед ногдол ашиг олгохоо яагаад хойшлуулаад байна вэ? Иргэдээ баялагтаа эзэн байхад УИХ-ын гишүүд саад болж байна. Бидний зүгээс Монгол Улсын ерөнхийлөгчид шаардлага хүргүүлнэ. Монгол Улсын Үндсэн хуульд улсын эд баялгийг иргэн бүрд илүү хувийг олгоно гэж заасан заалт хэрэгжихгүй байна” гэв.