Засгийн газрын хуралдаанаас гаргасан шийдвэрийг танилцуулах үеэр Шадар сайд Я.Содбаатар “Гадаадад байгаа монголчуудаа бид хоёрдугаар сараас хойш татан авчирж байгаа. Шаардлагатай таван ангилалын иргэдээ олонхийг нь авчирсан. Одоогийн байдлаар тусгаарлах байранд шалгалт явуулж байна. Хөл хорионы хугацаа дуусах хүртэл тусгай үүргийн нислэг үйлдэхгүй. Харин арванхоёрдугаар сараас шат дараатайгаар тусгай үүргийн нислэгээ үйлдэнэ. Одоогийн байдлаар БНСУ-аас ирэх хүсэлтэй иргэн олон байна. Бусад орнуудаас ирэх хүсэлтэй иргэдийн тоо эрс буурсан” гэлээ.