Он гарсаар АНУ-ын зах зээлд IPO гаргах сонирхолтой Азийн компаниудын тоо эрс өссөн байна. Эхний улиралд Азийн компаниуд дотоодын болон олон улсын зах зээлд IPO хийж, 49.3 тэрбум ам.доллар босгожээ. Энэ нь өмнөх оны мөн үетэй харьцуулахад 154 хувиар өсчээ. Шинжээчдийн онолцсноор ирэх саруудад эрэлт буурах тул IPO гаргах компаниудын тоо ч буурах төлөвтэй гэжээ. Учир нь Хятадын засгийн газраас технологийн компаниудын эсрэг хяналт шалгалтын хатуу арга хэмжээ авч байгаа. Мөн АНУ, Хятадын зөрчил даамжирсан нь бас нэг шалтгаан болоод буй. Тухайлбал, өнгөрсөн сард АНУ аудитын стандарт хангахгүй БНХАУ-ын компаниудыг биржийн бүртгэлээс хасах зохицуулалт бүхий хуулийн төсөл баталж байв.
Д.ЦЭРЭНДОЛГОР