Нийслэлийн Сонгинохайрхан дүүргээс ажлын хэсэг гарч, интернэт кафе, цахим тоглоомын газруудад хяналт шалгалт хийж эхэлжээ. Ажлын хэсгийн ахлагчаар дүүргийн Засаг даргын орлогч Д.Ундармаа, гишүүдээр Нийслэлийн Мэргэжлийн хяналтын газар, дүүргийн ЗДТГ, Цагдаагийн 1, 2, 3-р хэлтсийн албан хаагчид томилогдон ажиллаж байгаа юм байна.
Ажлын хэсэг тус дүүргийн интернэт кафе, цахим тоглоомын судалгаанд бүртгэлтэй 49 газраас үйл ажиллагаа явуулж байсан 32 газарт “Интернет кафе, цахим тоглоомын үйлчилгээний байранд тавих шаардлага” MNS 6430:2014 стандартын хэрэгжилтийг шалгасан аж.
Улмаар 29 тоглоомын газарт зөрчил илэрсэн тул үйл ажиллагааг зогсоож, хугацаатай үүрэг өгчээ. Одоогийн байдлаар зөрчил арилгах болон хяналт шалгалтын үйл ажиллагаа үргэлжилж байгаа тухай мэдээллээ.
