Төрийн байгуулалтын байнгын хорооны 2018 оны 05 дугаар сарын 09-ний өдрийн хуралдаанаар Улсын Их Хурлын Тамгын газрын 2017 оны үйл ажиллагааны тайланг хэлэлцээд Тамгын газар нь Улсын Их Хурлын үйл ажиллагаанд мэргэжил, арга зүй, техник, зохион байгуулалтын туслалцаа үзүүлэх хуулиар хүлээсэн үүргээ хангалттай хэрэгжүүлж байна гэсэн үнэлэлт өгсөн юм.
Улсын Их Хурлын Тамгын газраас 2017 онд зохион байгуулсан нэг томоохон ажил нь Монгол Улсын Үндсэн хуульд нэмэлт, өөрчлөлт оруулах асуудлаар анхдугаар Зөвлөлдөх санал асуулга зохион байгуулсан, Үндсэн хуульд оруулах нэмэлт, өөрчлөлтийн төслийг орон даяар олон нийтээр хэлэлцүүлсэн арга хэмжээ юм.
