Энэ сарын 19-ний өдөр буюу өнгөрсөн долоо хоногт “Их засаг” Олон улсын их сургуулийн нэг ангийн хоёр оюутан амиа хорлосон хэрэг гарчээ. Албан бус эх сурвалжийн мэдээлж байгаагаар тэдгээр оюутнууд сургуулийнхаа хажуу талын зочид буудлын өрөөнд өөрсдийгөө боомилж, амиа хорлосон байна.
Энэ талаар тус сургуулийн зүгээс “Ямартай ч ийм харамсалтай хэрэг гарсан юм билээ. Гэхдээ сургуулиас гадуур болсон учраас бид бүхэн нарийн зүйлсийг нь мэдэхгүй байна” гэсэн мэдээлэл өгсөн байна. Харин цагдаагийн байгууллагаас “Амиа хорлосон хэрэг бүртгэгдсэн. Дэлгэрэнгүй мэдээлэл өгөх боломжгүй” гэх тайлбар өглөө.