Чингис хааны нэрэмжит Их Засаг олон улсын их сургууль Их Британий Умард Ирландын нэгдсэн вант улсын Магадлан итгэмжлэх үндэсний зөвлөлийн магадлан итгэмжлэлд орж шалгуур үзүүлэлтүүдийг нь ханган биелүүлснээр олон улсад Магадлан итгэмжлэгдсэн байна.
Тус сургуулийн эрдмийн хамт олны олон улсад магадлан итгэмжлэгдсэн Батламжаа гардан авах ёслол 2015 оны нэгдүгээр сарын 22-нд Улсын Драмын Эрдмийн театрт боллоо.
Энэхүү ёслол хүндэтгэлийн үйл ажиллагаанд Англид сургууль төгсөгчдийн холбооны тэргүүн, УИХ-ын гишүүн С.Оюун, Их Британи, Умард Ирландын нэгдсэн вант улсынЭлчин сайдын яамны зөвлөх хатагтай Люиз Эдвардс, тус элчин сайдын яамны IIIнарийн бичгийн дарга ноён Мартин Батлер, Америкийн Монгол судлалын төвийн суурин захирал ноён Марк Тассе, Дэзэрэт олон улсын байгууллагын захирал ноён Том Таулер, “Импати групп” -ийн гүйцэтгэх захирал ноён Ихсан Акар нар болон гадаад дотоодын олон нэр хүндтэй зочид төлөөлөгчид оролцож, үг хэлж баяр хүргэлээ.
Их Засаг олон улсын их сургууль, Рояаль академийн эрдмийн хамт олон 2014 онд төрөлх сургуулийнхаа 20 жилийн ойг ёслон тэмдэглэж 20 жилийн ололт амжилтаа нэгтгэн дүгнэж, цаашдын он жилүүдийн зорилго, зорилтоо тодорхойлсон билээ.
Хорин жилийн хугацаанд Их Засаг ОУИС-ийн олсон ололт амжилтуудын дотор Их Британи, Умард Ирландын нэгдсэн вант улсын магадлан итгэмжлэлд орж магадлан итгэмжлэгдсэн энэ үйл явдал онцгой байр суурь эзэлж нийт багш, ажилтан ажиллагсад, оюутан, суралцагч, төгсөгчдөд онцгой сайхан мэдрэмж,аугаа их бахархалыг төрүүлж байна.Олон улсын магадлан итгэмжлэлийнбатламжгардан авах ёслол дээр Их Засаг олон улсын их сургуулийн Удирдах зөвлөлийн дарга, доктор Н.Учрал Английн боловсролын тогтолцоо, Магадланитгэмжлэхүндэсний зөвлөлийн үйл ажиллагааны талаар дэлгэргүйилтгэл тавьж Их Засаг олон улсын их сургуулийн ректор, доктор, профессор Н.Ням-Осор үг хэлсэн юм.
МАГАДЛАН ИТГЭМЖЛЭЛИЙН
БАТЛАМЖ ГАРДАН АВАХ ЁСЛОЛ ДЭЭР ИХ ЗАСАГ ОУИС-ИЙН РЕКТОР
Н.НЯМ-ОСОРЫН
ХЭЛСЭН ҮГ
Их Засаг олон улсын их сургууль Их Британи, Умард Ирландын нэгдсэн вант улсын Магадлан итгэмжлэх зөвлөлөөр магадлан итгэмжлэгдэж, өнөөдөрбатламжаа гардан авчбайгаадаа баяртай байна.
Энэ бол эх орондоо дээд боловсролын тогтолцоог олон улсын түвшинд хөгжүүлэхийн төлөө тодорхой зорилго зорилтын дор нэгдэн нягтарч, хичээн зүтгэсэн манай хамт олны бүтээлчхөдөлмөрийн үр шим юм.
Бидний энэхүү баярыг хуваалцахаар хүрэлцэн ирсэн эрхэм хүндэт эрдэмтэн багш, ажилтан, ажиллагсад,оюутан суралцагсад, төгсөгчдийн төлөөлөл Та бүхэнд чин сэтгэлийн талархал илэрхийлж, энэ баярт өдрийн халуун дотно мэндчилгээг та бүхэндээ өргөн дэвшүүлье.
Өнгөрсөн 20 жилийн хугацаанд бид 15 мянган төгсөгчөө нийгэмд бэлтгэж төгсөгчдийн маань 53 хувь нь мэргэжлээрээ 25 хувь нь төр захиргааы болон хувийн хэвшлийн салбарт үр бүтээлтэй ажиллаж байна.
Оюутан суралцагсадаа хүмүүжүүлж төлөвшлүүлэх талаар Монголын нийгэмдөөрийн гэсэн брэндийг буй болгож чадлаа.
Оюутан сурагчдад “Цогц боловсрол, хувь хүний чадамжийг хөгжүүлэх хөтөлбөр”-ийг хэрэгжүүлж энэ хөтөлбөрийн хүрээнд олон талт ажлыг зохион байгуулж ирлээ. Жил бүр уламжлал болгонзохион байгуулж байгаа “Супер студент” реалити ШОУ, тэтгэлэгт хөтөлбөр амжилттай хэрэгжиж уг хөтөлбөрийн ялагч 30 шахам оюутан залуус АНУ, БНСУ, Японы их дээд сургуулиудад 100 хувийн тэтгэлгээр суралцаж байна. Мөн Бага олимп спортын наадам, Урлагийн их наадам, Оюутны эрдэм шинжилгээний хурлууд зэрэг олон хэлбэрийн ажлуудыг тогтмол зохион байгуулж байна.
Их Засаг ОУИС-ийн түүхэн хөгжлийн 20 жил Багш нар нь тогтвор суурьшилтай, үр бүтээлтэй ажилласан 20 жил байлаа. Багш нараа тогтвор суурьшилтай ажиллуулах бодлого барьж ажилласнаар эдүгээ нийт багш нарын дотор 5-аас дээш жил ажилласан багш нар 70 хувийг эзлэж байна.
Их Засаг ОУИС 20 жилийн хугацаанд 32 мянган квм талбай бүхий бүтээн байгуулалтыг хийж түүхэн 20 жилтэйгээ золгосон юм. Бидний туулж өнгөрүүлсэн 20 жил бол Монгол улсдаа болон олон улсад хүлээн зөвшөөрөгдсөн 20 жил байлаа. Энэ 20 жилд дэлхийн 15 орны 50 гаруй их дээд сургуулиудтай хамтран ажиллаж Японы болон БНСУ-ын хөрөнгө оруулалттай Чингис-Соосэ, Жэсан-Чингис хаан сургуулиудыгбайгуулан ажиллуулж ирлээ.
Монгол Улсын төр засгаас боловсролын шинэчлэлийн талаар олон чухал ажлуудыг санаачлан хэрэгжүүлж байгаа билээ.Үүний нэг жишээ нь ЮНЕСКО-ийн гаргасан зааврын дагуу дээд боловсролын мэргэжлийн индекс, үндэсний ажил мэргэжлийн ангилал тодорхойлолтыг шинэчлэн батлаж хэрэгжүүлж байгаа явдал билээ.
Энэ цаг үед манай сургууль Их Британи Умард Ирландын нэгдсэн вант улсын магадлан итгэмжлэлд орсон нь нэн чухал ач холбогдолтой юм.
ИхЗасагОУИС ИхБритани Умард Ирландын нэгдсэн вант улсын магадлан итгэмжлэлд орсон явдал бол зөвхөнИхЗасагОУИС,Рояаль академийн төдийгүй Монгол Улсын дээд боловсролын салбарын хөгжлийн нэгэн тод илэрхийлэл болж байна.
Их Британи Умард Ирландын нэгдсэн вант улсын парламент, Засгийн газрын итгэмжит байгууллага болох тус улсын үндэсний магадлан итгэмжлэлд орж олон улсад магадлан итгэмжлэгдсэнээр манай 2 сургуулийн эрдмийн хамт олон, оюутан залуучууд маань дэлхийн боловсролын хөгжлийн чиг хандлагаар дэвшин урагшлах их үйлсийн үүд хаалга цэлийтэл нээгдэж байна.
Энэхүү олон улсын магадлан итгэмжлэлд орсноор багш ажилтнуудын маань ажлын байрны үнэлэмж дээшлэх болно. Тус сургуулийн оюутан, суралцагчид, төгсөгчдийн маань дипломын үнэ цэнэ олон улсын түвшинд үнэлэгдэхболно.
Их Засаг ОУИС-ийн хөтөлбөрүүд болон дипломыг дэлхийн олон орны их дээд сургуулиуд хүлээн зөвшөөрөх, улмаар гадаадын олон орны их дээд сургуулиуд манай 2 сургуулийн төгсөгчдийн дипломыг хүлээн зөвшөөрөх боломжууд бүрдэж байна.
Их Британи Умард Ирландын нэгдсэн вант улсын магадлан итгэмжлэх зөвлөлийн магадлан итгэмжлэлд орж магадлан итгэмжлэгдсэнээр Их Засаг ОУИС-д олон давуу талууд буй болж байна.
1. Их Засаг ОУИС Их Британи болон дэлхийн олон улс оронд хүлээн зөвшөөрөгдөх боломж бүрдлээ.
2. Их Засаг ОУИС олон улсын хэмжээнд өндөр нэр хүнд, итгэл хүндэтгэл, чанарын баталгааг оюутан, суралцагчиддаа буй болгож байна.
3. Их Засаг ОУИС сургалтын чанар, сургалтын орчин, сургалтын хөтөлбөрийг үнэлэх, дүн шинжилгээ хийх олон улсын сүлжээнд хамрагдлаа.
4. Их Засаг ОУИС-ийн диплом болон хөтөлбөрүүд олон улсад хүлээн зөвшөөрөгдсөнөөр манай сургуулийн төгсөгч оюутнууд олон улсын хөдөлмөрийн зах зээлд гарч ажиллах боломж илүү нээлттэй болж байна.
5. Их Засаг ОУИС-д олон улсын дээд боловсролын байгууллагуудтай хамтран ажиллах, туршлага, солилцох өргөн боломжууд нээгдэж тус сургуулийн гадаад харилцааны хөгжилд нэн таатай хөрс суурийг бий болголоо.
6. Их Засаг ОУИС дэлхийн олон орны ижил мэргэжлийн их дээд сургуулиудтай харилцах, тэдний итгэлийг олох, хамтран ажиллах өргөн дэлгэр боломж нээгдэж байна.
7. ИхЗасагОУИС энэхүү магадлан итгэмжлэлд орсноор сургалтын орчин, сургалтын хөтөлбөр, сургалтын арга зүй, дэлхийн улс орны их дээд сургуулиудын баялагтуршлагаар өргөжин тэлж байнгын ахиц дэвшил гарах боломж бүрдэж байна.
2014 оны морин жилд 20 жилийн ойгоо ёслол төгөлдөр тэмдэглэсэн Их Засаг ОУИС Их Британи Умард Ирландын нэгдсэн вант улсын магадлан итгэмжлэлд орж магадлан итгэмжлэгдсэнээр цаашдаа үндэсний боловсролыгдэлхийн боловсролын стандартад нийцүүлэн хэрэгжүүлж ажиллах шинэ зорилт тавигдаж байна.
Их Британи Умард Ирландын нэгдсэн вант улсын магадлан итгэмжлэлийн нэр хүндийг өндөрт өргөж, эрдмийн хамт олныхоо ололт амжилтыг бататган аривжуулах зорилтыгханган биелүүлж чадна гэдэгт итгэл төгс байгаагаа илэрхийлье.
Ийнхүү Их Британий Магадлан итгэмжлэлийн Батламж гардан авах хүндэтгэлийн үйл ажиллагаа ёслол төгөлдөр болж энэ ёслолд оролцогсод Төрийн соёрхолт, Ардын уран зохиолч Б.Лхагвасүрэнгийн “Тамгагүй төр” жүжиг үзлээ.