Өнгөрсөн амралтын өдрүүдэд 2016 оны Улсын аваргын шалгаруулах даамын тэмцээний хагас шигшээ амжилттай болж, шигшээд тоглох оролцсон тамирчид тодров. Улсын аваргын тэмцээн есөн өрөг швейцарь системээр явагдаж байгаа юм. Эрэгтэйчүүдээс Олон улсын их мастер, Монгол Улсын гавьяат тамирчин Д.Эрдэнэбилэг 16 оноогоор тасархай түрүүлэв. Хоёр, гуравдугаар байранд их мастер Г.Ганжаргал, дэлхийн даамын холбооны мастер Р.Манлай нар шалгарлаа. Харин эмэгтэйчүүдээс спортын мастер Е.Ариунзаяа 16 оноогоор тэргүүлж, спортын мастер Г.Хэрлэнмөрөн, дэд мастер У.Цэрэндолгор нар хоёр, гуравдугаар байрт орсон юм. Тэмцээнд эрэгтэй 96, эмэгтэй 46 тамирчин өрсөлджээ.