2017-2018 оны хичээлийн жилийн есдүгээр сарын 1 ирэх долоо хоногийн баасан гаригт тохиож байгаа. Гэхдээ энэ өдөр Ерөнхий боловсролын сургууль болон цэцэрлэгийн хичээлийн шинэ жилийг эхлүүлэх аж.
Харин их, дээд сургууль, коллежийн хичээлийг дараах долоо хоногийн даваа гаригт буюу есдүгээр сарын 4-ний өдөр эхлүүлэхээр болжээ.
Энэ тухай захирамжийг Боловсрол, соёл, шинжлэх ухаан, спортын яам /БСШУСЯ/-наас өнгөрсөн баасан гаригт (2017.08.25) гаргасан байна.
Тодруулбал, 2017-2018 оны хичээлийн шинэ жилийн нээлтийн өдөр нийслэлийн автомашины ачаалал, түгжрэлийг бууруулах зорилгоор нийслэлийн Засаг дарга бөгөөд Улаанбаатар хотын захирагч С.Батболдоос ирүүлсэн хүсэлтийн дагуу БСШУСЯ-ны Төрийн нарийн бичгийн даргын үүргийг түр орлон гүйцэтгэгч Т.Ган-Эрдэнэ их, дээд сургууль, коллежийн захирлуудад хичээлийн нээлтээ гурван хоногоор хойшлуулж, есдүгээр сарын 04-ний өдөр эхлүүлэх үүрэг өгчээ.
Энэ хичээлийн жилд нийт 40 орчим мянган оюутан суралцах аж.
