Индонезийн консерватив Ачех мужид бэлгийн харьцаанд орсон хоёр эрэгтэйг олон нийтийн өмнө шийтгэжээ.
27, 29 настай хоёр эрэгтэйг дотно харилцаатай болсон тухай өнгөрсөн оны 11 сард хөршүүд нь орон нутгийн хууль сахиулагчдад мэдээлжээ. Хосыг олон нийтийн өмнө 77 удаа ташуурдах шийтгэл оногдуулсан байна.
Тэднийг шийтгүүлж байхад нэгнийх нь ээж хүүгээ хараад ухаан алдаж унасан аж.
Ачех муж исламын хатуу хууль үйлчилдэг цорын ганц бүс нутаг юм. Энд мөрийтэй тоглоом тоглох, согтууруулах ундаа хэрэглэх, эсрэг хүйсийн хүмүүстэй уулзах зэргийг ёс зүйгүй үйлдэл хэмээн үзэж хориглодог байна. Өмнө нь ийм үйлдэл гаргасныхаа төлөө дөрвөн ч хүн ташуурдуулж байжээ.
Ижил хүйстнүүдийг хориглосон хууль 2015 оноос хойш хэрэгжиж эхэлснээс хойш гурав дахь удаагаа ижил хүйстэн эрчүүдэд ийм шийтгэл оногдуулж байгаа юм.
