Баянзүрх дүүрэг дэх И-Март худалдааны төвийн нэг давхарт өчигдөр гал гарч, Нийслэлийн онцгой байдлын газрын хоёр ангийн гал сөнөөгчид ажиллаж, галыг 21:40 цагт бүрэн унтраажээ.
Гал улмаас хүний амь эрдээгүй, бэртэж гэмтсэн тохиолдол гараагүй байна. Мөн эд материалын хохирол ч бага учирсэн бөгөөд кабелийн болон цахилгааны утас шатсаныг онцгой байдлын албан хаагчид аюулгүй болгожээ. Урьдчилсан байдлаар цахилгааны утаснаас гал гарсан байж магадгүй гэж таамаглаж байгаа юм. Гал гарсан шалтгаан 14 хоногийн дараа тодорхой болох аж.