Хөвсгөл аймгийн Улаан-Уул суманд сар шинийн өмнө гурван хүн буудуулж амиа алдсан ноцтой хэрэг гарч байсан. Тодруулбал, 2014 оны нэгдүгээр сарын 22-ноос 23-нд шилжих шөнө Хөвсгөл аймгийн Улаан-Уул сумын Шивлэг багийн Гунын эх гэх газар өвөлжиж байсан айлд О.Энхбат гэгч буу өвөртлөн ирж гэрийн эзэн, тэднийтэй хамт өвөлжиж байсан эмэгтэйг буудаж амийг нь хохироосон. Мөн хохирогчийнд машин зарахаар өөр сумаас ирсэн залууг буудаж хөнөөгөөд зугатсан байдаг. Зугатаж яваад цагдаа нарт баригдсан юм. Гэмт этгээд бусадтай бүлэглэн айлаасбуу, сум болон бусад эд зүйлс, иргэн Х.Пүрвээгийн “Мастер” маркийн мотоциклийг хулгайлсан гэмт хэргийг мөн үйлдсэн аж. Хөвсгөл аймгийн Прокурорын газраас Монгол Улсын Эрүүгийн хуулийн тусгай ангийн 145 дугаар зүйлийн 145.2, 181 дүгээр зүйлийн 181.3, 91 дүгээр зүйлийн 91.2.2, 91.2.3, 91.2.6, 91.2.12, 91.2.13, 91.2.15, 91.2.16-д зааснаар яллах дүгнэлт үйлдэж хэргийг Сум дундын 27 дугаар шүүхэд шилжүүлсэн байна.
Сум дундын 27 дугаар шүүх хэргийг хэлэлцээд шүүгдэгч О.Энхбатад цаазаар авах ял оноожээ.