Ашигласан түлшний болон цацраг идэвхт хаягдлын менежментийн аюулгүй ажиллагааны тухай 1997 оны конвенцид нэгдэн орох асуудлыг өнөөдөр ээлжит бус чуулганаар хэлэлцэх байсан ч хойшлуулсан. Тэгвэл энэ асуудлаар “Эвлэн мандуулах хүч” хөдөлгөөнийхөн Төрийн ордны гадна эсэргүүцлээ илэрхийлж, барилгын шар оохор цацан, лоозон барьж зогссон билээ.
Харин энэ үйл ажиллагаанд оролцсон гурван хүнийг баривчлах шийдвэр гаргаад байсан ч захиргааны арга хэмжээ авч торгоод суллажээ. Эх сурвалжийн мэдээлж буйгаар “Босоо хөх Монгол” бүлгэмийн Ц.Буяндүүрэн, “Гамшгийн эсрэг үндэсний төв”-ийн зохицуулагч н.Ганбаатар, сэтгүүлч Ч.Мөнхбаяр нарыг барьсан байжээ.