Ламын Гэгээн Лувсанданзанжанцаны мэлмий гийсний 375 жилийн ой, “Говийн бүсийн” уралдаан Засгийн газрын тогтоолын дагуу Баянхонгор аймагт зохион байгуулагдана.
XVII зууны Монголын шашин төрийн нэрт зүтгэлтэн, соён гэгээрүүлэгч, монгол маарамбын оройн чимэг, ууган зурхайч, Хамба номун хан, Эрдэнэ бандид хутагт, ламын гэгээн Лувсанданзанжанцаны түмэн өлзий гийсний 375 жилийн ой энэ жил тохиож байна. Ойн хүрээнд энэ сарын 22-26-нд Ламын гэгээний наймдугаар дүр Данзанжамбалчойжишинэн гэгээнтэнд бат оршил өргөх ёслол, даншиг наадам, “Говийн бүсийн Их хурд -2014” хурдан морины уралдааныг тус бүр зохион байгуулахаар бэлтгэл хангаж эхэлжээ.
Энэ үеэр “Дээлтэй Монгол-375” арга хэмжээ давхар зохион байгуулах юм байна.