Эрчим Хүчний Зохицуулах Хорооны 2021 оны 10 дугаар сарын 14-ний өдрийн 467 дугаар тогтоолоор дулааны эрчим хүчний тариф шинэчлэгдэн нэмэгдсэн тухай “Мандал Голомт” ХХК-аас мэдээллээ.
Тодруулбал, Эрчим Хүчний Зохицуулах Хорооны 2021 оны 10 дугаар сарын 14-ний өдрийн 467 дугаар тогтоолоор батлагдсан тарифыг захиргааны хэм хэмжээний актын улсын нэгдсэн бүртгэлд бүртгэж, “Захиргааны хэм хэмжээний актын эмхтгэл”-д нийтлэгдсэн өдрөөс буюу 2021 оны 11 дүгээр сарын 09-ны өдрөөс эхлэн мөрдөн ажиллах болохыг мэдэгдлээ. Тариф шинэчлэгдэхээс өмнө айл өрх 560 төгрөг байсан бол одоо 800 төгрөг, харин төсөвт байгууллага 1800 төгрөг байсан бол 2070 төгрөг болж ийнхүү нэмэгдсэн байна.
Эрчим Хүчний Зохицуулах Хорооноос баталсан Тариф батлах тухай тогтоолыг хавсралтын хамт нийтлэв.
