ЦУОШГ-ын мэдээллээр өнөөдөр Хэнтий нурууны баруун хажуугаас усжих Хараа, Ерөө, Туул, Сөгнөгөр, Шарын гол, зүүн хажуугийн Хурх, Барх, Эг, Балж, Онон, Хэрлэн голын усны түвшин өмнөх өдрийнхөөс 5-40 см нэмэгдэн, Хүдэр, Хараа, Ерөө, Сөгнөгөр, Сэлбэ, Улиастай, Онон, Хэрлэн, Халх, Хархираа голууд үерийн түвшинг 5-50 см даван үерлэж байна.
Маргааш Хараа гол Дархан хот, Ерөө гол Дулаанхаан сум, Онон гол Дадал сум Хэрлэн гол Багануур дүүрэг орчимд усны түвшин 9-15 см нэмэгдэх хандлагатай байгаа юм.
Түүнчлэн хур борооны хэмжээнээс хамаарч голын усны түвшин богино хугацаанд огцом нэмэгдэж, үерлэж байгаа тул үeр, усны аюулаас болгоомжлохыг ОБЕГ-аас анхаарууллаа. Иргэд гэр, хашаа, саравч, орон байраа гуу жалга, голын ойролцоо барьж суурьшихгүй, бага насны хүүхдийг гол усны ойролцоо тоглуулахгүй, хараа хяналтгүй орхихгүй, үерийн ус зайлуулах суваг шуудуу татах, далан хашлага барих зэргээр амь нас , эрүүл мэнд, эд хөрөнгөө болзошгүй гамшгаас сэргийлэх, голын баталгаагүй гармаар бус зориулалтын гарцтай газраар зорчих, согтууруулах ундаа хэрэглэсэн үедээ голын усанд орохгүй байхыг зөвлөжээ.