Цаг уурын байгууллагын ирүүлсэн мэдээллээр аравдугаар сарын эхний арав хоногийн байдлаар манай орны ихэнх гол мөрний усны түвшин аажим буурсан ч цаг агаар харьцангуй дулаан байгаатай уялдан ихэнх гол мөрөнд мөсний үзэгдэл ажиглагдаж эхлээгүй байна.
Иймд голын эрэг дагуу суурьшиж, нутаглаж байгаа малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс гол, усны аюулаас байнга сонор сэрэмжтэй байх, хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах, баталгаатай гүүр, гарам, гарцтай газраар автомашинтай зорчиж гол, усны ослоос урьдчилан сэргийлэхийг Онцгой байдлын ерөнхий газраас анхааруулж байна.
Он гарсаар 07 дугаар сарын 06-ны өдрийн байдлаар усны ослын тохиолдол 12 аймгийн 27 сум, нийслэлийн 4 дүүрэгт нийт 37 удаа гарч, 45 хүн амь насаа алджээ. Үүнээс 9 нь хүүхэд, 36 нь насанд хүрэгсэд байна.