Туркийн “Turkish Airlines” авиа компанийн Истанбулаас Улаанбаатар чиглэлийн онгоц энэ сарын 27-ны 11:00 цагт Чингис хаан нисих буудалд газардаж, 12:05 цагт эргээд хөөрөх байсан. Гэвч тус онгоц Монгол Улсыг зорин ирсэн Сири улсын иргэн Ahmed Jawal Hussein- ээс болж хэдэн цаг хойшилсон юм. Энэ талаар албаны эх сурвалжаас авсан мэдээллээр “Манай улсад дөрвөн жил амьдарсан Сири улсын иргэнийг албадан гарахаар болсон юм. Тэрээр дөрвөн жилийн өмнө манай улсын хил нэвтэрч, ор сураггүй алга болсон байдаг. Дээрх мэдээллийн дагуу гадаадын иргэн харьяатын газар, Тагнуул, эрүүгийн цагдаагийн албан хаагчид улс даяар эрэн сурвалжилж байж баривчилсан. Сири улсын иргэнAhmed Jawal Hussein гэгч нь манай улсын иргэн Н гэх эмэгтэйтэй гэр бүл болсон байсан. Хууль хяналтын байгууллага түүнийг илрүүлж, шалгаад албадан хилээр гарахаар болсон. Манай улсад өмнө нь ирж байхдаа визийн хугацаа зөрчиж, шонхрын наймааны асуудалд нэр холбогдож байсан билээ. Түүнээс хэвлэл мэдээллийн хэрэгслээр гараад байгаа шиг алан хядагч бүлэглэлийн гишүүн, манай улсад дэрвэж ирсэн хүн биш” гэв.