Гарал үүсэл нь тодорхойгүй, хадгалалтын горим зөрчсөн, хаяг шошгогүй хавчуургатай талхнаас 2019 оны 7 дугаар сарын 16-ны өдөр хордлого гарсантай холбогдуулан Хан-Уул дүүрэг дэх Мэргэжлийн хяналтын хэлтэс Хан-Уул дүүргийн нутаг дэвсгэрт үйл ажиллагаа явуулж байгаа түргэн үйлчилгээний цэгүүдэд урьдчилан сэргийлэх хяналт шалгалт хийлээ.
Шалгалтаар Хан-Уул дүүргийн 3-р хорооны автобусны буудлын урд байрлах иргэн Б.Уранхуар нь гэртээ өндөг чанаж түргэн үйлчилгээний цэг дотор худалдан борлуулсан зөрчил илэрчээ.
Зөрчил шалган шийдвэрлэх ажиллагаа явуулж Зөрчлийн тухай хуулийн 6.15 дугаар зүйлийн 3.1 дах заалтаар торгууль оногдууллаа. Хан-Уул дүүрэг дэх Мэргэжлийн хяналтын хэлтсийн 2019 оны 07 дугаар сарын 25-ны өдрийн 02-17/305 тоот мэдэгдэл хүргүүлэн ажиллалаа.
