ӨДРИЙН СОНИНЫ АРХИВ…………..
Гадаадынхан манайд жуулчлахдаа мод тарих болж байна. Тэд улаан халцгай Монголыг хараад сэтгэл нь өвдөхд өө ямар ч байсан мод тарьж таарна хэмээн манайхан үзэв бололтой. Гэхдээ тэд мод тарьсны хөлс авахгүй. Харин ч өөрсдийнхөө мөнгөөр модны үрсэлгээ авч тарих ажээ. “Үгүй ээ, та минь ээ” гэгчээр гадны хүмүүсээр өөрсдийнх нь мөнг өөр мод тариулна гэж хөөрц өглөж байхаар монголчууд өөрсдөө мод тарьж болдоггүй Гэр, гэртээ мод тарьцгаая юм уу. “Монголчууд модыг малынхаа төл шиг боддог. Тэднийг өөрсдөө ургаад явчих ухааны юм санан, арчилгаа хийдэггүй” хэмээн манай нэрт нийтлэлч Б.Цэнддоо хэлдэг. Энэ төөрөгдлийг хүчээр арилгаж, тарьсан л бол ургуулдаг болгож сургах хэрэгтэй байна. Улаанбаатар хотыг хэдэн зуун мянган яндантай гэж ирээд л утааны тухай ярих тоолондоо дарга нар маань хэлж байдаг. Тэгвэл яндантай болгон хашаандаа мод тарих хэрэгтэй байна. Гэрээ паартай байшин болгож чадахгүйгээс хойш утаа үйлдвэрлэн, хотыг утаж байгаадаа хариуцлага хүлээх ёс суртахуунтай болцгооё. Үүнд маш бага зардал орно. Зөвхөн сэтгэл хэрэгтэй. Тарих модыг нь төсвөөс өгөөд хашааных нь гадаа хүргэчих хэрэгтэй. Яаж тарих, яаж арчлахыг нь зааж өгөхөд л болно. Харин ургуулаагүй өрхтэй хатуу хариуцлага тооцох хэрэгтэй байна. Төр засгаас усны мөнгөний тодорхой хувьд л хөнгөлөлт үзүүлэхэд болох мэт санагдана. Ингэсэн байхад манай хот ногоон болно. Юм чаддагг үй чаддаггүй гэхэд тарьсан ганц модоо өдөрт нэг услаад байхаа мэдэхгүй байвал арай дэндэнэ. Дээр нь үүнийгээ хөөрөлхөж, гадныхнаар мод тариулна гээд сууж байх ч гэж дээ. Гадныхнаар мод тариулж байхаар гэр, гэртээ мод тарьцгаая.
Ж.САНДАГДОРЖ