Улаанбаатар хотын цагдаагийн газрын Нийтийн хэв журам хамгаалах газрын Урьдчилан сэргийлэх хэлтэс, Баянгол дүүрэг дэх цагдаагийн нэгдүгээр хэлтэс, Дүүргийн Засаг Даргын тамгийн газар хамтран гэмт хэрэг, зөрчлөөс урьдчилан сэргийлэх нэг сарын аяныг Баянгол дүүргийн 5 дугаар хороонд энэ сард эхлүүллээ. Шастины нэрэмжит нэгдсэн 3 дугаар эмнэлэг, Сувилахуйн сургууль, Техник технологийн дээд сургууль, Цоглог, Голден парк, Тэмүүлэл, Энэрэл, Баялаг хотхон, 10 дугаар хороолол, аж ахуйн нэгжийн төвлөрөл ихтэй нутаг дэвсгэр юм.
2014 онд Баянгол дүүрэг дэх цагдаагийн 1 дүгээр хэлтсийн нутаг дэвсгэрт 1374 гэмт хэрэг бүртгэгдсэнээс 209 буюу 15.2 хувь 5-р хорооны нутаг дэвсгэрт, 117 буюу 55.9 хувь нь аж ахуйн нэгж, байгууллагад үйлдэгдсэн тоон үзүүлэлт гарчээ.
Энэ аяны хүрээнд тус хорооны нутаг дэвсгэрт үйл ажиллагаа явуулдаг СӨХ, архи согтууруулах ундааны зүйл худалдан борлуулдаг түүгээр үйлчилдэг аж ахуйн нэгж, байгууллагын удирдлагуудтай уулзалт зохион байгуулж, гэмт хэрэг, зөрчлийг бууруулах, урьдчилан сэргийлэх чиглэлээр хийгдэх ажлын мэдээлэл хүргэж, санал солилцон гэмт хэрэг зөрчлийг бууруулах ажлыг эрчимжүүлэх зорилгоор сайн дурын эргүүл гаргаж, хамтран ажиллахаар боллоо.