Нийслэлд бүртгэлтэй иргэдэд газар шинээр өмчлүүлэхээр батлагдсан дараагийн ээлжийн байршлуудад цахим хэлбэрээр газар өмчлөх хүсэлт хүлээн авч байгаа билээ. Бүртгэл өнөөдөр 12.00 цагт албан ёсоор хаах юм байна.
Энэ удаад шинээр
- Сонгинохайрхан дүүргийн
- Эмээлт уулын баруун хоолой
- Баянзүрх дүүргийн Улиастай дахь Их цуурай, Бага цуурайн ам
- Багануур дүүргийн Тариан булагийн 2-р хэсэг
- Баганхангай дүүргийн Хангайн хөндийн 1-р хэсэг зэрэг 5 байршилд нийт 12 388 иргэнд, мөн өмнөх 5 байршлаас Сонгинохайрхан дүүргийн Соёондын ам, Багануур дүүргийн Тариан булагийн 1-р хэсэг, Баганхангай дүүргийн Бор үзүүр гэсэн 3 байршилд нийт 1431 иргэнд цахим системээр газар өмчлүүлэхээр үйл ажиллагааг зохион байгуулсан юм. Өнөөдөр бүртгэлийг дуусгасны дараа автоматаар сонгон шалгаруулалтыг шууд явуулах юм байна.