Тайваний Хуалинь орчимд хүчтэй газар хөдлөлт боллоо. Газар хөдлөлтийн голомтонд Монгол Улсын зургаан иргэн байгаа тухай твиттерт Бумбагар@saryalguun гэдэг оюутан жиргэжээ. Одоогоор таван хүн нас барж 254 шархдаж 88 хүн сураггүй болсон гэжээ. Амь үрэгдсэн болон шархдагсад, алга болсон хүмүүсийн дунд азаар монгол хүн байхгүй бөгөөд бүгд орогнох байранд хоносон байна. Харин гадаадын 30 орчим иргэн хүнд гэмтэл авч, Солонгосын нэг иргэн нас барсан бололтой. Мөн 17 хүн хүнд гэмтжээ. Тус хотын Цжучи их сургуульд монголын зургаан оюутан, Дунва их сургуульд 10 гаруй оюутан тус тус суралцдаг юм байна.