УИХ-ын чуулганы хуралдаанаар Гацууртын ордыг стратегийн ордод хамруулах тухай асуудлыг хэлэлцэн, эцсийн хэлэлцүүлэгт бэлтгүүлэхээр УИХ-ын Эдийн засгийн байнгын хороонд шилжүүлэв.
УИХ өнгөрсөн долоо хоногт дээрх асуудлыг хэлэлцэх үед УИХ дахь МАХН-МҮАН-ын Шударга ёс эвслийн бүлэг завсарлага авсан юм. Гэхдээ завсарлагын хугацаа дууссан тул хэлэлцүүлэгийг үргэлжлүүлсэн юм.
Сэлэнгэ аймгийн Мандал сумын нутагт орших Гацууртын орд нь 50 тонн алтын нөөцтэй, тусгай зөвшөөрөл эзэмшигч компанийн зүгээс стратегийн ордод хамруулах санал гаргасан тул УИХ асуудлыг хэлэлцсэн юм.