Нийслэл хотын хүн ам жилээс жилд өсөн нэмэгдэж, хүн амын 70 орчим
хувь нь гэр хороололд амьдардаг. Эдгээр айл, өрхийн тэжээвэр нохой, мөн
түүнээс гадна сүүлийн үед золбин муур, нохойн тоо ихсэж байгаа нь галзуу
өвчний эрсдэлд өртөх аюулыг нэмэгдүүлж байна гэж Нийслэлийн эрүүл
мэндийн газраас мэдээллээ.
Он гарсаар Хөвсгөл,
Увс, Говь-Алтай, Булган аймгийн зургаан сум, Улаанбаатар хотын
Чингэлтэй, Багахангай, Хан-Уул дүүрэгт галзуугийн эрсдэлд өртсөн 22
тохиолдол бүртгэгдсэн байна. Тухайлбал, ХУД-ын 12 дугаар хорооны
нутаг дэвсгэрт өнгөрсөн сарын 25-наас 26-ныг шилжих шөнө тэжээвэр гурван
нохой 200 гаруй тооны малд халдсан иргэд үхсэн малын арьсыг өвчилж
өөрсдөө эрсдэлд өртсөн тохиолдол гарсан.
Иймээс айл өрх бүр тэжээвэр нохойгоо галзуу өвчний эсрэг вакцинд
хамруулах, хашаандаа тогтмол уях, гадуур авч гарах бол амны хамгаалалт,
хошуувч хийх, мөн иргэд гудамж талбайгаар явахдаа анхаарал болгоомжтой
байхыг сэрэмжлүүлж байна.
Үхсэн болон галзуу өвчний сэжигтэй мал, амьтан үзэгдсэн тохиолдолд
Онцгой байдлын газар-105
Нийслэлийн мал эмнэлэгийн газар-70141401, 70141403, 70141407, 70141409
Зоонозын өвчин судлалын үндэсний төв-70282853
Нийслэлийн Зоонозын өвчин судлалын төв-70210316
Нийслэлийн эрүүл мэндийн газар- 11-320981 утсанд яаралтай мэдэгдэхийг мөн санууллаа.