Өнөөдөр Монгол Оросын хамтарсан УБТЗ” ХНН-ийн дарга Л.Пүрэвбаатар мэдээлэл хийж хичээлийн шинэ жилийн нээлтийн өдөр буюу есдүгээр сарын 01-нд “Улаанбаатар-Сайншанд” чиглэлийн 286 дугаар галт тэргэнд мэндэлсэн хүүд 18 нас хүртэл үнэгүй зорчих эрхийн бичиг гардууллаа. Галт тэргэнд хүүхдээ төрүүлсэн энэ удаагийн тохиол нь төмөр зам байгуулагдсанаас хойш 66 жилийн түүхэн дэх 70 дахь тохиолдол болж байгаа аж.
Түүний ээж Дорноговь аймгийн Даланжаргалант сумын иргэн Батцэцэг бөгөөд тав дахь төрөлт нь юм. Тухайн үед Галт тэрэгний дарга Д.Болдбаатар, үйлчлэгч О.Очирсүрэн, С.Алтанзул нар түүний суусан 13 дугаар вагонд ажиллаж байсан байна.
Батцэцэгийн сууж явсан галт тэргэнд дөрвөн эмч сууж явсны, хоёр нь эх баригч хоёр байсан тул эмнэлгийн анхан шатны тусламж сайн үзүүлсэн юм билээ. Галт тэрэгний дарга Д.Болдбаатар жирэмсэн эхийг зорчигчдоос тусгаарлан, төрөхийн өмнөх бэлтгэлийг үйлчлэгч нар шуурхай хангасан байсан. Галт тэргэнд мэндэлсэн хүүхдэд 18 нас хүртэл нь үнэгүй зорчих эрхийн бичиг өгдөг журам өмнө нь мөрдөгдөж байсныг сэргээж эрхийн бичгийг эзэнд нь гардуулж өгөхөөр Монгол-Оросын хамтарсан “УБТЗ” ХНН-ийн захиргаа шийдвэрлэсний дагуу энэхүү эрхийн бичгийг хүүгийн аавд гардууллаа.