Технологийн гайхамшгийг өөртөө бүрэн нэгтгэж чадсан анхны нумарсан дэлгэц бүхий “Samsung Galaxy S6 Edge” утсыг борлуулах эрхийг Юнител групп авсан бөгөөд өнөөдөр албан ёсны танилцуулгыг нь хийлээ. Ийнхүү тус гар утасны давуу талуудыг хүргэж байна.
Илүү өргөн боломж
“S6 Edge+” утасны өмнөх “S6 Edge”-с ялгарах том өөрчлөлтүүд гэвэл илүү том дэлгэцтэй болж, батарейнцэнэг илүү уртассан. Гадна дизайны хувьд өмнөх шигээ шил болон металл материалаар хийгдсэн дур булаам төрхөө хадгалан үлдсэн. Мөн “S6 Edge+” утасны бусад утсанд байхгүй давуу тал бол гоёмсог нумарсан дэлгэцтэй. Энэ нь зөвхөн урд дэлгэцээр хязгаарлагдахгүйгээр хоёр талын ирмэгийг ашиглан илүү бүтээмжтэй, илүү хялбар ашиглах боломжийг олгож байгаа юм.
Илүү хурдан
Samsung Exynos процесс болон 4 GB Ram-ийн хослол нь илүү хурдан болсон байна. Ингэснээр олон төрлийн программ зэрэг ажиллуулахад асуудалгүй болжээ.
Илүү хүчин чадал
Баттарейн хүчин чадал 3000 mAh болж нэмэгдсэн нь бүтэн өдрийн турш гар утсаа ашигласан ч цэнэг нь дуусах асуудалгүй болжээ. Цэнэглэх хугацаа нь ч 90 минут болж багассан байна.
Дахин давтагдашгүй загвар
Өмнөх загварууд шигээ шил болон металлаар бүтээгдсэн бөгөөд алтлаг шар, сувдан цагаан, мөнгөлөг саарал, молор хөх зэрэг дөрвөн төрлийн өнгөний сонголттой аж.
Илүү бат бөх
Galaxy “S6 Edge6+” нь өмнөх загвартайгаа адил хамгийн бат бөх гэдгээрээ гайхагдсан. Та загварлаг чамин утсаа халаасандаа хийгээд нугалж гэмтээх вий гэхээс санаа зовох хэрэггүй. Учир нь Samsung Galaxy S6 Еdge+ гар утсыг зөвхөн нисэх онгоц болон дарвуулт завь хийхэд ашигладаг хөнгөн цагаанаар гадаргууг нь бүтээжээ. Мөн зурагдах, хагарахаас хамгаалсан өндөр чанартай Gorilla Glass 4 шилээр бүтээсэн байна.
Өнгө дүрсний гайхамшиг
5.7 инч, 1440 x 2560 pixels (515 ppi) өндөр нягтрал бүхий дэлгэц нь өнгөний тод ялгарлыг мэдрүүлэх болно. Камерны хүчин чадлыг магтахгүй байхын аргагүй. Урд талдаа сэлфи зураг авахад зориулсан 5 MP камертай ба харин ард талдаа 16 MP, дүрс тогтворжуулагч, авто фокус тааруулагчтай, өргөн өнцгөөр авах боломжтой камер байрлана. Өдөр шөнийн аль ч цагт илүү өнгөлөг, тод зурагнууд авна гэдэгтээ та хэзээд итгэлтэй байж болно.
Дэлхийн анхны нумарсан дэлгэц
Хоёр талдаа нумарсан дэлгэц нь халаасандаа хийж явахад нэн тохиромжтой аж. Нумарсан дэлгэцтэй тус утсанд тусгайлан аппликейшн гаргасан бөгөөд хариу дуудлага хийх, хамгийн олон ашигладаг аппликейшнээ хормын төдийд нээх боломжтой.