Арван долдугаар жарны гал бичин жилийн сар
шинийн барилдаанд хүчит 256 бөх зодоглосноос Хөвсгөл аймгийн Тосонцэнгэл сумын
харьяат улсын харцага Ц.Содномдорж түрүүлж, улсын аварга Гунаажавын Эрхэмбаяр
үзүүрлэлээ. Түрүүлсэн, үзүүрлэсэн бөхчүүдэд Монгол Улсын Ерөнхийлөгч
Ц.Элбэгдорж бахархал, мөнгөн шагнал гардуулав. Энэ жилийн барилдаанд улсын
дархан аварга Г.Өсөхбаяр, улсын аварга С.Мөнхбат, улсын арслан Н.Батсуурь,
улсын арслан Э.Оюунболд нараар магнайлуулсан улс, аймгийн алдар цолтой бөхчүүд
үзэгч түмнээ баясгаж барилдлаа. Харин улсын арслан П.Бүрэнтөгс, улсын заан
М.Өсөхбаяр нарын зарим бөхчүүд бэртлийн улмаас энэ удаагийн сар шинийн
барилдааныг өнжив. Өнөө жилийн үзүүр түрүүнд баараггүй гэгдэж бөхийн тааварт
тун дээгүүр яригдаж байсан Ч.Санжаадамба, Б.Пүрэвсайхан, Б.Гончигдамба нарын ид
яваа бөхчүүд учраа бөхдөө унаж, үзэгчдийг шуугиулаад авав.