Манай улсад ирэх дөрөвдүгээр сарын 22-24-ний өдрүүдэд Зуны олимпийн ХХХI наадмын чөлөөт бөх, сонгомол барилдааны сонгон шалгаруулалтын “The first “Last-Chance” тэмцээн болох юм. Одоогоор тэмцээнд 73 орны баг оролцохоор мэдүүлгээ ирүүлжээ. Энэ үеэр Дэлхийн бөхийн нэгдсэн холбооны 12 төлөөлөгч, багуудын 81 албаны төлөөлөгч, 473 бөх, 227 дасгалжуулагч, 56 олон улсын шүүгч, 63 эмч, илээч, 3 хэвлэл мэдээллийн ажилтан нийт 935 хүн ирэхээр болжээ. Энэхүү тэмцээнээс сонгомол барилдаан, эрэгтэй чөлөөт бөхийн төрөлд жин тус бүрт 3 эрх, эмэгтэй чөлөөт бөхийн төрөлд жин тус бүрт 2 эрх нийт 46 олимпийн эрх олгох байна. дашрамд дурдахад энэ сарын 1-3-ны өдрүүдэд Алжир улсын Алжир хотод болох Африк тив, Далайн орнуудын сонгон шалгаруулах тэмцээн, 15-17-ний өдрүүдэд Серби улсын Сержанин хотод болох Европ тивийн сонгон шалгаруулах тэмцээнээс тус бүр 36 нийт 72 олимпийн эрх олгох байна. Тиймээс дээрх хоёр тэмцээнээс олимпийн эрх авсан бөхчүүд энэхүү тэмцээнд оролцохгүй аж.
Өсвөрийн чөлөөт бөхийн улсын аварга шалгаруулах тэмцээн маргааш эхэлнэ
Чөлөөт бөхийн 2016 оны өсвөр үеийн Улсын аварга шалгаруулах тэмцээн маргааш эхлэх гэж байна. Тэмцээн ирэх сарын сарын 3-н хүртэл үргэлжлэх юм байна. Энэхүү тэмцээн “ “Буянт-Ухаа” спорт цогцолборт болно.
Тэмцээний хуваарийг танилцуулъя
Дөрөвдүгээр сарын 1, Баасан гариг
10:00-15:00 Барилдаан /Буянт-Ухаа спорт ордон/
Хөвгүүд: 42 кг, 50 кг, 58 кг, 69 кг, 85 кг
Охид: 38 кг, 43 кг, 49 кг, 56 кг, 65 кг
15:00-15:30 Жин үзэлт, сугалаа
Хөвгүүд: 46 кг, 54 кг, 63 кг, 76 кг, 100 кг
Охид: 40 кг, 46 кг, 52 кг, 60 кг, 70 кг
16:00-16:30 Нээлтийн ажиллагаа
16:30-20:00 Шигшээ барилдаан / Шагнал гардуулах ёслолын ажиллагаа/
Дөрөвдүгээр сарын 2 Бямба гариг
10:00 Барилдаан /Буянт-Ухаа спорт ордон/
Хөвгүүд: 46 кг, 54 кг, 63 кг, 76 кг, 100 кг
Охид: 40 кг, 46 кг, 52 кг, 60 кг, 70 кг
17:00 Шигшээ барилдаан /Шагнал гардуулах ёслолын ажиллагаа/
Дөрөвдүгээр сарын 3. Ням гариг
10:00-15:00 Багийн барилдаан /урьдчилсан барилдаан/
17:00 Шигшээ барилдаан