Гадаад улсад байгаа иргэд салбар комиссын тогтоосон санал авах байранд энэ амралтын өдрүүдэд очиж тухайн улсын орон нутгийн цагаар 07.00 цагаас 22.00 цаг хүртэл хугацаанд саналаа өгч байна.
Гадаад улсад байгаа иргэдээс санал авах хуудас хуульд заасан хугацаанд бүрэн хүргэгдсэн, санал авах байр бэлтгэгдсэн, сонгуулийн бэлтгэл хангагдсан тухай Гадаад улсад байгаа иргэдийн санал авах ажлыг зохион байгуулах Төв комисс, салбар комиссынхон мэдэгдсэн билээ.
Гадаад улсад байгаа иргэдийн санал авах ажлыг зохион байгуулахаар Монгол Улсын дипломат төлөөлөгчийн газар байрладаг 33 улсад 45 салбар комисс ажиллаж байгаа бөгөөд 7209 иргэн саналаа өгөхөөр бүртгүүлсэн байна.