Сүхбаатар дүүрэг, I хороо Чойдогийн гудамж, Улсын нийтийн номын сангийн уулзвараас I эмнэлэг хүртэлх авто замын өргөтгөл шинэчлэлтийн ажил долдугаар сард эхэлсэн.
Тус ажлын гүйцэтгэгчээр “Ди Вай Кэй Би” ХХК шалгарсан бөгөөд замын өргөтгөл шинэчлэлийн ажлын хүрээнд Гадаад харилцааны яамны баруун урд талын авто замын уулзвараас Улсын I төв эмнэлэг хүртэл хэсгийн тээврийн хэрэгслийн хөдөлгөөнийг өчигдөр оройн 23.00-аас хаасан бөгөөд наймдугаар сарын 16-н хүртэл үргэлжлэх юм.
Энэ хугацаанд 141 м газарт дулааны шугамыг шинэчлэн солиж, хучилтын хавтан хүчитгэх ажлыг хийх аж. Нийслэлийн замын сангийн хөрөнгөөр шинэчилж байгаа энэхүү замыг ирэх аравдугаар сарын 30-нд ашиглалтад өгөх гэрээтэй ажээ.