Хэдхэн хоногийн өмнө их хэмжээний хар тамхи авч явсан этгээдүүдийг баривчилсан. Тэгвэл өнөөдөр буюу 2019 оны 02 дугаар сарын 18-нд Гаалийн ерөнхий газрын харъяа Гашуунсухайт дахь гаалийн газрын ажилтнууд Монгол Улсын иргэн “Т” гэгчийн биедээ нууж улсын хилээр нэвтрүүлэхийг завдсан мансууруулах бодис болох “мөс”-ийг илрүүлжээ. Одоогоор тус боомтын хилийн тагнуулын албатай хамтарсан ажиллагаа явуулж байгаа юм байна. Нэг хэргийн шуугиан нь намдаагүй байхад дахин хар тамхи илрүүлсэн нь уг хэрэгтэй холбогдсон хүмүүст хүлээлгэх хариуцлага ямар сул байгааг харуулж байна.