Эрүүл аргаар жингээ хасч зөв хооллолтыг дасгал, хөдөлгөөнтэй хослуулан турах нь хамгийн зөв арга юм. Ингээд фитнесс хоолны жоруудыг сонирхоорой.
Фитнесс, аэробик, бүжиг, иог зэрэг идэвхитэй дасгал хөдөлгөөн хийж турж галбиржих гэж байгаа бол эдгээрийн хажуугаар зөв хооллох нь маш чухал үр дүнг авчирдаг. Ингээд доорх орц, хүнс тэжээл бүхий фитнесс хоол нь хүний биеийн өөх тосыг задлаж, булчинг чангалж, эд эсийг сэргээж, хоол боловсруулах тогтолцоог сайжруулахаас гадна хүний бие организмд зайлшгүй шаардлагатай уураг, тэжээл, олон төрлийн амин дэм, эрдэс бодисоор баялаг юм.
Идэвхитэй дасгал хөдөлгөөн хийхгүй байсан ч тогтмол хугацаанд энэхүү хоолны дэглэмийг барихад та эрүүл аргаар турж, галбиржих боломжтой болох юм.
Доорх хоолнуудыг боловсруулж идэх аргууд:
– Жигнэх
– Чанах
– Өнгөцхөн хуурах, хайрах
– Шарах шүүгээнд болгох
Хурц тосонд шарах, болтол нь хуурах нь өөхлөлт, таргалалт үүсэх гол шалтгаан бөгөөд ходоод гэдэсний эрүүл мэндэд маш муу тул дээрх аргаар хийхийг эрхэмлээрэй.
Доорх хоолнуудыг амтлах аргууд:
– Давс эсвэл давс огт хэрэглэхгүй байх нь илүү үр дүнтэй
– Ургамлын гаралтай хоол амтлагчуудаас тохируулан хэрэглэж болно.
– Зөвхөн оливын тос хэрэглэнэ.
Ингээд доорх фитнесс хоолнуудыг хийхдээ дээрх хоол боловсруулах болон амтлах аргыг баримтлан эрүүл хоол хийж идээрэй.
1. Жигнэсэн ногоо, хайрсан загас
Орц:
– Загасны мах
– Лууван
– Брокколи
– Цэцэгт байцаа
– Ногоон сонгино
Хийх арга: Загасны махыг хоёр талаас нь амтлан оливын тосонд хийж болтол нь хоёр талаас нь хуурна. Загасны мах амархан болдог тул хэт их хуурч, шарахаас сэргийлээрэй. Лууванг чанаж эсвэл түүхийгээр нь хэрэглэж болно. Брокколи, цэцэгт байцааг 15 минут жигнүүр дээр жигнэж болгоод лууван болон загасны махтай хольж амтлаж иднэ.
2. Ногооны салат, тахианы цээж мах
Орц:
– Тахианы цээж мах
– Улаан лооль
– Авакода /өргөст хэмх байж болно/
– Бууцай
– Сонгино
Мөн өөрийн дуртай ногоогоор баяжуулан амтлаарай.
Хийх арга: Тахианы махыг хоёр талаас нь амтлаж 180С хэмийн шарах шүүгээнд 20-25 минут болгоно. Эсвэл давстай усанд 17-20 минут чанаж болгоно. Ногоог угааж цэвэрлээд жижиглэн хэрчиж давс, оливын тос, перцээр амтлаж хутгана.
3. Будаатай амталсан ногоо
Орц:
– Будаа /хөц, гурвалжин, бор, шар, арвайн будаагаас сонгож хэрэглэнэ./
– Лууван
– Бууцай
– Брокколи
– Вандуй
– Хүрэн байцаа
Хийх арга: Будааг агшааж бэлэн болгоно. Лууван, брокколиг 15-17 минут жигнэж болгоно. Вандуйг жигнэж болно эсвэл бэлэн вандуй хэрэглэж болно. Бүх хольцийг хамт хачирлан иднэ.
4. Фитнесс хүнсний цуглуулга
Орц:
– Өндөг
– Тахианы цээж мах
– Гурвалжин будаа
– Өргөст хэмх
– Улаан лооль
– Хар талх
– Брокколи
Хийх арга: Өндөг, брокколиг 15-17 минут чанана. Тахиан махыг 17-20 минут чанана. Гурвалжин будааг агшаана. Ингээд бусад хольцтой хачирлан иднэ.
5. Чансасан үхрийн махтай амталсан ногоо
Орц:
– Үхрийн мах
– Брокколи
– Чинжүү
– Мөөг
– Сонгино
Хийх арга: Үхрийн махыг давстай усанд зөөлөртөл нь чанана. Брокколи, мөөгийг 15 минут жигнэж болгоно. Ингээд чинжүү, сонгиныг оливын тосонд өнгөцхөн хуураад чанасан үхрийн мах, ногоог хийж амт оруулах төдий хуурна.
6. Чанасан өндөгтэй ногооны салат
Орц:
– Өндөг
– Салат навч
– Өргөст хэмх
– Улаан лооль
– Ногоон вандуй
– Чинжүү
– Авакода
– Самрын үр
Хийх арга: Өндгийг 15-17 минут чанаж болгоно. Бусад ногоог угааж хэрчээд салатанд тохируулан хэрчиж өндөгтэй холиод давс, хар перц, оливын тос, яншуй, ногоон сонгино, нимбэгний шүүсээр амтлаад амтархан иднэ.
7. Дүпүтэй ногооны салат
Орц:
– Дупү
– Брокколи
– Улаан лооль
Хийх арга: Дүпүг оливын тосонд болтол нь хайрч болгоно. Брокколыг 15 минут чанаж эсвэл жигнэж болгоно. Ингээд улаан лоольтой хольж давс, хар перц, оливын тос, яншуй, ногоон сонгино, нимбэгний шүүсээр амтлаад амтархан иднэ.
8. Жимс, ногооны салат
Орц:
– Өргөст хэмх
– Улаан лооль
– Салат навч
– Чинжүү
– Майлз
– Алим эсвэл жүрж, тоор гээд дуртай жимсээ сонгоорой.
Хийх арга: Бүх ногоо, жимсийг угааж цэвэрлээд жижиглэн хэрчиж саванд хольж хийгээд давс, нимбэгний шүүсээр амтлаад иднэ.
Түүнчлэн дээрх хоол, салат хийх жоруудаас санаа авч 5-7 хоног идэх фитнесс хоолоо урьдчилан бэлтгэж хөргөгчинд хийж хадгалж болно.
Мөн доорх зурган жоруудаас өглөө, өдөр, оройн фитнесс хоолуудыг хэрхэн бэлтгэж байгааг анзаараарай. Ингээд танд амжилт хүсье.
