Финландын эгч дүүс өвлийн олимпоос нийт долоон медаль хүртээд байна

Финландын эгч дүүс болох 33 настай Керттү Нисканен, 30 настай Ливо Нисканен нар хамтдаа өвлийн олимпоос нийт долоон медаль хүртлээ.

Ливо Нисканен өнөөдөр гүйлтийн цанын эрэгтэйчүүдийн 15 км-ын зайд (Тус төрөлд Монголын тамирчин Б.Ачбадрах 65-р байрт орсон) 37 минут, 54.8 секундийн амжилтаар тэргүүлж алтан медаль хүртсэн.

Энэ нь түүний гурав дахь алтан медаль бөгөөд 2018 оны Пёнчаны олимпын 50 км-ын төрөл, 2014 оны Сочигийн олимпын спринт төрөлд алтан медаль хүртэж байв.

Мөн Ливо хоёрдугаар сарын 6-нд болсон эрэгтэйчүүдийн 30 км-ын скиатлоны тэмцээнээс хүрэл медаль авсан.

Харин түүний эгч Кертту Нисканен өчигдөр гүйлтийн цанын эмэгтэйчүүдийн 10 км-ын зайд (Тус төрөлд Монголын тамирчин А.Энхтуул 85-р байрт орсон) мөнгөн медаль хүртсэн.

Энэ нь түүний гурав дахь мөнгөн медаль бөгөөд 2014 оны Сочигийн олимпоос 5 км-ын зай болон спринт төрөлд хошой мөнгөн медаль хүртэж байв.