АНУ-ын холбооны мөрдөх товчоо FIFA-гийн удирдах албан тушаалтнуудыг
баривчлах арга хэмжээг Конгрессийн өдөр буюу энэ сарын 26-нд эхлүүлж магадгүй гэнэ.
Учир
нь энэ үеэр Цюрихэд болох ёслолд хөлбөмбөгийн үндэсний шигшээ холбоодын
209 гишүүн ирэх юм байна. Өнгөрсөн оны есдүгээр сард
Швейцарийн прокурорын газраас FIFA-гийн ерөнхийлөгч Иосеф Блаттерт холбогдох
хавтаст хэргийг нээсэн бөгөөд ёс зүйн хорооны шийдвэрээр Блаттер болон
УЕФА-гийн ерөнхийлөгч Мишель Платини нарыг 90 хоногийн турш хөл бөмбөгийн үйл
ажиллагаанд албан ёсоор оролцохыг хориглосон. Швейцарийн хуулийн
байгууллагынхан Блаттер нь Платинид, 2011 онд хууль бусаар 2 сая Швейцарийн
франк (ойролцоогоор 2 сая ам.доллар) шилжүүлсэн хэмээн үзэж буй юм. Мөн
өнгөрөгч оны тавдугаар сард уг холбооны нэр бүхий шилдэг менежер, гишүүд
хахууль авсан гэх хэргээр ял авсан билээ.