Өчигдөр Монголын Үндэсний сагсан бөмбөгийн холбооноос ‘Happiness center’-т сагсан бөмбөгийн 3х3 төрлөөр дэлхийн өндөр түвшинд тоглон амжилт гаргаж байгаа баг тамирчдад сагсан бөмбөг гардуулах арга хэмжээ болсон юм. Энэ төрлөөр олон улсын тэмцээнд амжилт гаргаж байгаа тамирчдад бөмбөгийг гардуулж, тэдэнд спортын өндөр амжилтыг хүслээ.
Манай тамирчдын тэмцээн ирэх амралтын өдөр БНСУ-ын Сөүл хотод болох мэргэжлийн лигийн тэмцээний гранпри тэмцээнээр шинэ улирал эхлэх гэж байна. ФИБА 3х3 мэргэжлийн лигийн тэмцээнд “Улаанбаатар Гаруда”, “Ховд” гэсэн хоёр баг оролцох бөгөөд баг тамирчид өнөөдөр БНСУ-ыг зорилоо. Тамирчид тус тэмцээний дараагаас БНХАУ-ын Нанжинд болох гранпри гээд цуврал тэмцээнүүд цааш үргэлжлэх юм.
ФИБА буюу Олон улсын сагсан бөмбөгийн холбооноос 3х3 төрлийг мэргэжлийн болон олон улсын гэсэн ангиллаар тэмцээн зохион байгуулдаг. Одоо шинэ улирал эхэлж байгаа бөгөөд олон улсын ангилалд нийт зургаан тэмцээн болно.
Монголын шигшээ багууд 2017 онд Ази тивийн аварга шалгаруулах тэмцээн, Дэлхийн “Их дуулга” болох гранпри тэмцээнүүдэд амжилттай оролцсоноор 2018 оны Дэлхийн аваргад оролцох эрхээ аваад байгаа билээ. Энэ удаагийн Дэлхийн аварга шалгаруулах тэмцээн Филиппин улсын Манила хотноо ирэх зургадугаар сарын 08-наас 12-ны хооронд болох бөгөөд шигшээ баг “С” хэсэгт ОХУ, Бразил, Канад, Филиппин улсын шигшээ багуудтай багтсан. Мөн ФИБА буюу олон улсын сагсан бөмбөгийн холбооноос 3х3 төрлийг мэргэжлийн болон олон улсын гэсэн хоёр ангиллаар тэмцээн уралдааныг зохион явуулдаг бөгөөд манай баг тамирчид энэ жил дараах олон улсын тэмцээнд оролцохоор болоод байгаа юм.
“Токио-2020” зуны олимпийн наадмын үндсэн төрөлд сагсан бөмбөгийн 3х3 төрөл багтсан билээ. Манай улсын шигшээ багууд өнгөрсөн улиралд болсон Ази тивийн аварга шалгаруулах тэмцээн болон Дэлхийн “Их дуулга” Гран при тэмцээнд амжилттай оролцож 2018 оны ДАШТ-д оролцох эрхээ аваад байгаа юм.
3Х3 ШИГШЭЭ БАГИЙН ОЛОН УЛСЫН ТЭМЦЭЭНД ОРОЛЦОХ ХУВААРЬ
ФИБА 3х3 Ази тивийн аварга БНХАУ 04/27-05/01
ФИБА 3х3 Дэлхийн аварга Филиппин 06/06-12/
FISU 3х3 Оюутны Ази тивийн аварга 07/11-14/
3х3 Азийн наадам Индонез Жакарта 08/-18/10-02/
ФИБА 3х3 U18 Ази тивийн аварга Малайз 09/-06-09/
Хүүхдийн олимп 3х3 U18 Аргентин 10/-06-18/
Харин мэргэжлийн лиг энэ амралтын өдөр БНСУ-ын Сөүл хотноо болох Дэлхийн гранпри тэмцээнээр эхлэх гэж байна. Монгол улсаас ФИБА 3х3 мэргэжлийн лигийн тэмцээнд “Улаанбаатар Гаруда” болон ‘Ховд’ гэсэн хоёр баг өрсөлдөнө.
3Х3 МЭРГЭЖЛИЙН ЛИГИЙН ТЭМЦЭЭНД ОРОЛЦОХ ХУВААРЬ
Goyang 3×3 дэлхийн гранпри тэмцээн БНСУ 04/14-15/
Nanjing 3×3 дэлхийн гранпри тэмцээн БНХАУ 04/21-22/
Penang 3×3 дэлхийн гранпри тэмцээн Малайз 04/05-06/
Wuxi 3×3 дэлхийн гранпри тэмцээн БНХАУ Шанхай 05/05-06/
Hui An 3×3 дэлхийн гранпри тэмцээн БНХАУ 05/12-13/
Moscow 3×3 дэлхийн гранпри тэмцээн ОХУ 05/18-19/
Sydney 3×3 дэлхийн гранпри тэмцээн Австрали 05/19-20/
Chengdu 3×3 дэлхийн гранпри тэмцээн БНХАУ 05/19-20/
Ulaanbaatar 3×3 дэлхийн гранпри тэмцээн Монгол 06/02-03/
Hang Zou 3×3 дэлхийн гранпри тэмцээн БНХАУ 06/16-17/