2017 оны жилийн эцсийн “Шилэн тайлан”-гаа “Фэйсбүүк” компани гаргажээ. Засгийн газруудын хүсэлттэй холбоотой болон зохиогчийн эрхийн зөрчлийн мэдээллийг энэхүү “Шилэн тайлан”-гаараа олон нийтэд ил мэдээлж, зарласан байна.
Тайланд дурдсанаар энэ оны эхний хагаст Монгол улсын Засгийн газраас нийт 12 хэрэглэгчийн мэдээллийг гаргаж өгөх хүсэлт гаргасан байна. Харин 2013-2015 онуудад Монголын Засгийн газар таван хэрэглэгчийн мэдээллийг гаргаж өгөхийг хүсч байсан бол 2016 онд гурван хэрэглэгчийн мэдээллийг хадгалж байхыг хүсч байжээ. Түүнчлэн “Фэйсбүүк” компани 2017 оны эхний хагаст зохиогчийн эрх зөрчсөн дүрс бичлэг, нийтлэл, сурталчилгаа гээд нийт гурван сая контентыг устгасан гэдгээ мэдэгджээ.