Эрүүл мэндийн сайд асан С.Ламбаа фэйсбүүк хуудастаа УОК-ынхныг шүүмжилжээ.
Тэрээр “Эхнийх нь ӨЭМТ-үүдэд өвчтөндөө өг гэж өгч байгаа багц. Эмч нар элдэв юм бөөгнүүлээд багц гээд өгөх юм, арайч дээ гээд голоод байх юм.
Хоёр дахь нь аптект зарагдаж байгаа багц нь гэнэ. Их л ялгаа байх шиг. Хүнээ бодоод ядаж олигтойхон юм аваад өгчихөж болохгүй юу УОК-ынхоон.
Арай л сэтгэлгүй байгаа юм биш үү. ЭМЯ мэргэжлийн байгууллагын хувьд анхаарал тавьж болохгүй юу? Ийм юм боогоод өгөхөөр чинь (С витаминийг нь хардаа) өвчтэй хүнд сэтгэлийн дэм болохгүй шүү дээ. Гэрээр эмчлүүлэгчиддээ чанартай эм өгвөл ӨЭМТ-ийн эмч нар ч сэтгэл хангалуун, өвчтөн ч хүндрэхгүй, эмнэлгийн ачаалалыг ч нэмэхгүй байх боломжтой шүү дээ” гэжээ.