Ерөнхийлөгч Ц.Элбэгдоржийн Аюулгүй байдал, гадаад бодлогын зөвлөхөөр А.Баттөрийг томилсон байна. А.Баттөр өмнө нь Батлан хамгаалахын дэд сайдаар ажиллаж байсан юм. Тэрбээр 1965 онд Ховд аймагт төрсөн, Ардчилсан намын гишүүн. Эдийн засагч мэргэжилтэй хүн юм байна. 2012 оноос Батлан хамгаалахын дэд сайдаар ажиллаж байжээ.
Товч намтар
Батлан хамгаалахын дэд сайд А.Баттөр Ховд аймгийн харьяат. Москвагийн Олон улсын харилцааны дээд сургууль, Шинэ Зеландад Викторийн их сургууль, Бельгийн Вант улсад Европын стратеги, Олон улсын харилцааны төвийг төгссөн. Хөгжлийн ухааны магистр цолтой. ГХЯ-нд атташе, Франц улс дахь ЭСЯ-нд соёлын атташе, ЮНЕСКО-гийн Байнгын төлөөлөгчийн газарт дипломат ажилтан, ГХЯ-ны Төрийн захиргааны удирдлагын газрын захирал, 1998-2000 онд Боловсрол, соёл, шинжлэх ухаан, технологийн сайд, 2004-2006 онд Гадаад хэргийн дэд сайд, 2008 оноос Монгол Улсаас БЕНЕЛЮКС-ийн орнууд, Европын хамтын нийгэмлэгт суугаа Онц бөгөөд Бүрэн эрхт Элчин сайдаар ажиллаж байсан олны танил улс төрч, дипломатч юм.