Ц.Нямдорж: Би улс төрчийнхөө хувьд Ерөнхийлөгч, Ерөнхий сайд хоёрын харилцаа зөв эхлэх нь үү үгүй юу гээд харж байлаа. Өнөөдрийн энэ хуралд би үнэхээр сэтгэл дундуур байна. Зарим нь өнөөдөр хор,ховс хоёрт ховсдуулчихсан байна. 30 гэр бүл гэдэг асуудал яриад байгаа хүмүүс зарлачих. Өөрсдөө хайж ол гэж тавладаг боллоо. З.Энхболдын толгойноос хайх юм уу. Х.Баттулгын толгойноос хайх юм уу. Х.Баттулга өнөөдөр намаасаа татгалзаад монголын ард түмний эв нэгдлийг хангана гэсэн байгаа шүү дээ. Өнөөдөр монгол 3 ерөнхийлөгчтэй боллоо. Хуулиар Х.Баттулга Ерөнхийлөгч байна. Түүнээс давсан эрх мэдэлтэй З.Энхболд гэдэг нэг ерөнхийлөгчтэй болоод байна. 1998 онд М.Энхсайхан Ерөнхий сайд байхдаа лиценз өг гэдэг хууль батлуулсан юм. Энэ хуулиар 7000 лиценз гарсан. Би хөөцөлдсөөр байгаад ядаж Стратегийн ордыг нь төрийн мэдэлд байлгая гэж байсан. Яг энэ хуулийн дагуу энэ ажил зохион байгуулагдаж байна.Энэ хууль муу л байсан юм бол өөрсдөө засах нь яасан юм. 30 гэр бүл гэж айлгаад байх юм. Би хоригтой нь холбоотой элдэв юм ярихгүй.
Д.Эрдэнэбат: Хоорондоо талцчихаад битгий АН-руу чихээд бай. Наад асуудал чинь шившиг болж байна. Монгол өнөөдөр уул уурхайг баялгийг ашиглаж эхэлснээс хойш уул уурхайтай холбоотой олон асуудал үүссэн. Түүнээс биш хүн рүү чиглэсэн асуудал биш. Бүх юмаа АН руу чихэхээ боль. Ард түмэн өнөөдөр та нарыг хараад сууж байна. Өнөөдөр Оюу Толгой, Тавантолгойг улс төржүүлж байна гэхээ боль. Ард түмний талхыг булааж авсан тухай л ярьж байна шүү дээ. Юу нь буруу байна. З.Энхболдод дээрэлхүүлж байвал та нарын хохь. Биднээс буруу битгий хай. У.Хүрэлсүх сайдаа таньд нэг зүйл хэлье. Уул уурхайн баялгаас орж ирж байгаа мөнгөө улс орондоо оруулж чадахгүй юм бол энэ Засгийн газар ч, та ч удахгүй.
З.Нарантуяа: Хоригийн гол зорилго бол баялгийн тэгш хуваарилалтын асуудал л байсан. Түүнээс биш хувь хүнтэй холбоотой асуудлыг бид яриагүй. Одоо удахгүй Ерөнхийлөгчөөс иргэн бүрт байгалийн баялгийг тэгш хуваарилах агуулга бүхий хуулийн төслийг өргөн барина. Энэ нь төрийн мэдэлд байгаа стратегийн ордын баялгийг ард түмэнд тэгш хуваарилах агуулга бүхий хууль юм. Хэрвээ энэ хууль орж ирвэл яг энэ байдлаараа одоогийн УИХ хүлээж авах уу, дэмжих юм болов уу даа гэж л харагдаж байна. Тиймээс энэ хуулийг агуулга талаас нь харж дэмжих байх гэж бодож байна” гэв.
Ийнхүү Ерөнхийлөгчийн саналыг хүлээж авах эсэх асуудлаар санал хураахад 66 гишүүний 56 гишүүн нь хоригийг хүлээж авах шаардлагагүй гэж үзэв. Үргэлжлүүлэн 2018 оны Төсвийг хэлэлцэж эхэллээ.