Ардын хувьсгалын 100, 101 жилийн ой, Үндэсний их баяр наадмыг тохиолдуулан Монгол Улсын Ерөнхийлөгч У.Хүрэлсүх өнөөдөр төрийн дээд цол, одон, медаль гардуулж өгнө. Шагнал гардуулах ёслолын ажиллагаа 11:00 болон 12:30 цагт болно.

Монгол Улсын хөгжил дэвшилд үнэтэй хувь нэмэр оруулж хөдөлмөрлөсөн урлаг, хэвлэл мэдээлэл болон бусад салбарын эрхмүүд төрийн шагнал хүртэх юм байна.

Тухайлбал Улсын Драмын Эрдмийн Театрын жүжигчин Г.Эрдэнэбилэг, Монгол Улсын соёлын гавьяат зүтгэлтэн, сэтгүүлч Х.Цэвлээ, Үндсэн хуулийн цэцийн Хэвлэл, мэдээлэл, олон нийттэй харилцах албаны дарга Ж.Нэргүй нар төрийн дээд цолоор шагнуулах мэдээлэл байна.

Жил бүрийн улсын баяр наадмын өмнө төрийн шагнал гардуулж өгөх ёслол Төрийн ордонд болдог билээ.

Энэ талаар дэлгэрэнгүй мэдээлэх болно.

Монгол Улсын Ерөнхийлөгч Х.Баттулга Сар шинийн баярын босгон дээр эрхэлсэн ажилдаа амжилт гаргасан салбар бүрийн төлөөллийг төрийн алдар, цолоор шагнах зарлиг гаргажээ. Шагналыг өнөөдөр 11.40 цагт Төрийн ордонд гардуулах юм байна.

Монгол Улсын Төрийн соёрхол:

ЭХЭМҮТ-ийн Эрүү, нүүрний мэс заслын тасгийн эрхлэгч, клиникийн профессор Г.Аянга ахлагчтай багийн “Уруул тагнайн төрөлхийн сэтэрхийн цогц эмчилгээг Монгол Улсын хэмжээнд шийдсэн нь” бүтээл

Монгол Улсын ардын жүжигчин:

МУГЖ, дуучин С.Батсүх

Монгол Улсын Урлагийн гавьяат зүтгэлтэн:

Улсын драмын эрдмийн театрын ерөнхий найруулагч, Төрийн соёрхолт Н.Наранбаатар,

Хөгжмийн зохиолч Б.Магсаржав,

Олон улсын хүүхдийн “Найрамдал” цогцолборын ерөнхий захирал, жүжигчин Б.Отгонбат

“Циркус Монголиа Хадгаа” циркийн захирал Ч.Хатанбаатар

Монгол Улсын гавьяат жүжигчин:

Улсын дуурь, бүжгийн эрдмийн театрын гоцлол бүжигчин А.Саруул

Монгол Улсын Соёлын гавьяат зүтгэлтэн:

Монгол HD телевизийн дэд захирал, хөтлөгч С.Чимгээ,

Гэрэл зурагчин Д.Цэрэннадмид

Гавьяат дасгалжуулагч:

Монголын үндэсний сагсан бөмбөгийн холбооны ерөнхий нарийн бичгийн дарга С.Тулга нарын хүмүүсийг шагнахаар болжээ.