УИХ дахь МАН-ын бүлэг сэтгүүлчдэд мэдээлэл хийлээ. УИХ дахь МАН-ын бүлгийн дарга С.Бямбацогт мэдээлэлдээ “УИХ-ын хаврын чуулганы эхний долоо хоногт Засгийн газрын тухай хуульд өөрчлөлт оруулах тухай хуулийн төслийг хэлэлцэхээр байгаа. Давхар дээлний асуудал учир Сангийн сайд болон Хууль зүйн сайдаас бусад сайдын хувьд давхар дээлтэй байх шаардлагагүй гэж үзэж байна. Тиймээс уг хуулийн төслийг дэмжиж байгаа. Мөн өөр нэг асуудлыг намын бүлэг дээр хэлэлцсэн нь Эдийн засгийн чуулганы үеэр Ерөнхий сайдын хийсэн болчимгүй мэдээлэл юм. Өрийн талаар олон нийтийг төөрөгдүүлсэн мэдээлэл хийж байна. Индер дээрээс МАН-ын бүлгийн гишүүд рүү дайрч, доромжилсонд харамсаж байна” гэж ярив.
Харин МАН-ын бүлгийн дэд дарга Н.Номтобаяр “Ерөнхий сайд гадны хөрөнгө оруулагчдын өмнө үндэсний томоохон компаниудыг цохон хэлж, олны өмнө шившгээ дэлгэлээ. Тиймээс МАН-ын бүлгийн нэр бүхий гишүүд Ерөнхий сайдыг хэлсэн үгэндээ уучлалт гуйхыг шаардаж бичиг хүргүүлнэ. Хэрвээ Шаардлагыг хүлээн авч уучлалт гуйхгүй бол огцруулах асуудлыг хөндөнө” гэв.
Гэрэл зургуудыг Ц.МЯГМАРСҮРЭН