Монгол Улсын Ерөнхий сайд У.Хүрэлсүх өнөөдрөөс эхлэн дөрөв хоногийн турш орон нутагт ажиллахаар мордлоо.
Ерөнхий сайд өнөөдөр Өвөрхангай аймагт ажиллах бол маргааш Баянхонгорт, лхагва гарагт Говь-Алтай аймагт ажиллахаар төлөвлөөд байна. Энэ хүрээнд Мал эмнэлгийн урьдчилан сэргийлэх болон үржлийн технологит ажил үйлчилгээний жилийн ажлын нээлтийн арга хэмжээнд оролцох бөгөөд Бүсийн оношилгоо, эмчилгээний төвийн үйл ажиллагаатай танилцах аж. Мөн нутгийн малчин айлаар орж, аймгийн иргэдтэй уулзалт хийхээр төлөвлөжээ.
Ерөнхий сайд орон нутагт тавдугаар сарын 10-ныг хүртэл ажиллах юм.