Хан-Уул дүүргийн нутагт байрлах “Говь” ХК-ийн үйлдвэрийн байранд энэ сарын 14-ний орой гал гарч, нийслэлийн Онцгой байдлын газрын бүх анги байгууллага, нийслэлийн Цагдаагийн газар, Хан-Уул дүүрэг дэх цагдаагийн 1, 2 дугаар хэлтсийн алба хаагчид болон тус компанийн ажилчид галыг унтраахаар ажилласан.
Тодруулбал, Гал унтраах, аврах 11 ангийн 158 алба хаагч, 31 машин, Ус сувгийн удирдах газар болон нийслэлийн Хот тохижилт, үйлчилгээний газар зэрэг байгууллагын 200 гаруй хүн галын голомтод ажиллаж19 цагийн дараа бүрэн унтраасан юм.
Галын улмаас тус үйлдвэрийн дээврийн мансардны хэсэг бүхэлдээ шатсан билээ. Харин тус үйлдвэр гал гарсан хэсгийг завсарлаж дуусчээ. Тиймээс өнөөдөр 12.00 цагт нээлтээ хийх юм байна. “Говь”-ийн нээлтэд Монгол Улсын Ерөнхий сайд Ж.Эрдэнэбат оролцох юм.