Монголын эрэн сурвалжлах сэтгүүл зүйг олон улсын жишигт хүргэн хөгжүүлэхэд хувь нэмэр оруулах зорилгоор Хэвлэлийн хүрээлэн, Монголын Үндэсний олон нийтийн телевиз болон ХБНГУ-ын Дойче Велле Академитэй хамтран, Монгол дахь Канадын Элчин сайдын яамны дэмжлэгтэйгээр “Investigative Journalism Dialogue” эрэн сурвалжлах сэтгүүл зүйн олон улсын хурлыг 2018 оны аравдугаар сарын 2, 3-ны өдрүүдэд Улаанбаатар хотноо хоёр дахь удаагаа зохион байгуулах гэж байна.
Хурлын зорилго:
- Хэвлэлийн хагас эрх чөлөөт улс оронд эрэн сурвалжлах сэтгүүл зүйг хөгжүүлэх боломж, тулгамдсан асуудал, бэрхшээлийн талаар хэлэлцэх
- Монголын сэтгүүлч, судлаач, хэвлэл мэдээллийн удирдах ажилтнуудад бусад улсын туршлагаас суралцах боломж олгох
- Эрэн сурвалжлах сэтгүүл зүйн чиглэлээр ажилладаг сэтгүүлч, судлаачдын харилцаа холбоог сайжруулах, хамтран ажиллах орон зай бий болгох
Хэлэлцэх сэдвүүд:
- Эрэн сурвалжлах сэтгүүл зүй Монголд хөгжих боломжтой юу? Юу саад болж байна вэ?
- Баримтыг нягтлан шалгах арга, боломж, бидэнд юу дутагдаж байна вэ?
- Дата сэтгүүл зүй буюу тоон мэдээллийн хүчийг сэтгүүл зүйн бүтээлд хэрхэн бүрэн дүүрэн ашиглах вэ?
- Эрэн сурвалжлагад сошиал медиа болон вэб ашиглах аргууд
- Эрэн сурвалжлах сэтгүүлчдийн аюулгүй байдлыг хэрхэн хангах вэ?
- Эрэн сурвалжлах сэтгүүл зүйн бие даасан хараат бус үйл ажиллагааг хэрхэн дэмжих вэ?
- Эрэн сурвалжлах сэтгүүлчдийг хэрхэн чадавхжуулах вэ?
Оролцогчид:
Монголын сэтгүүлч, хэвлэл мэдээллийн байгууллагын удирдах ажилтан, сэтгүүл зүйн багш, хүний эрх, ил тод байдал, сайн засаглалыг хөгжүүлэх чиглэлээр ажилладаг төрийн бус байгууллагын төлөөлөл нийт 100 гаруй хүн оролцоно.
Олон улсын төлөөлөгчдийн хувьд Эрэн сурвалжлах сэтгүүл зүйн Олон улсын сүлжээний Удирдах зөвлөлийн гишүүн, “Хэрхэн яаж хүмүүсийн ярианы сэдэв болох вэ?” гарын авлагын зохиогч Сайд Назакат, Хонг Конгийн Их сургуулийн профессор Ийн Чан, Нээлттэй нийгэм сангийн Хараат бус сэтгүүл зүйн хөтөлбөрийн захирал Мариа Тереза Рондеро, Киргиз улсын Дата сэтгүүлч Савиа Хазанова, Малайзийн Эрэн сурвалжлах сэтгүүл зүйн төв-Малайсиакинигийн үүсгэн байгуулагч Стивэн Ган, ХБНГУ-ын Дойче Веллегийн судалгаа, хамтын ажиллагааны хэлтсийн дарга Йохан Шпангенберг, Дойче Велле Академийн Монгол дахь төслийн менежер Патрик Бенинг, ЮНЕСКО-гийн Бээжин дэх бүсийн төвийн мэдээлэл, харилцааны салбарын үндэсний мэргэжилтэн Куинг Зен зэрэг туршлагатай мэргэжилтнүүд, мөн Монгол дахь элчин сайдын яамд, Монголд ажиллаж буй гадаадын сэтгүүлч, олон улсын байгууллагуудын хэвлэл мэдээлэл хариуцсан ажилтнууд оролцоно.
ЦАХИУР 2018
Олон улсын хурлын үеэр уламжлал ёсоор эрэн сурвалжлах сэтгүүл зүйн шилдэг бүтээлийн хоёрдугаар уралдааны шагналын эзэд тодорч, шагнал гардуулах хүндэтгэлийн ёслол болно.
Бүртгүүлэх хаяг: https://goo.gl/forms/SZNwgy2Pfy8Z8GAU2
Бүртгэлийн хураамж:
- Олон улсын хурлын бүртгэлийн хураамж нь сэтгүүлч, хэвлэл мэдээллийн салбарын ажилтан бол 45.000₮,
- Бусад байгууллагын төлөөлөл бол 65.000₮ болохыг анхаарна уу. Та хурлын бүртгэлийн хураамжийг төлснөөр Таны бүртгэл баталгаажих болно.
Бүртгэлийн хураамж төлөх хувилбар:
- Бэлнээр. Та хураамжийг бэлнээр төлөх бол Хэвлэлийн хүрээлэнгийн санхүүд хандана уу.
- Дансаар. Та дансаар төлөх бол Хэвлэлийн хүрээлэнгийн Худалдаа Хөгжлийн Банкны 499005556 тоот дансанд “ОУ хурлын төлбөр, Таны нэр” гэсэн хэлбэрээр бичиж тушаана уу.
Бүртгэлийн сүүлийн хугацаа: 2018 оны есдүгээр сарын 28-ны 17:00 цаг
Хурлын үйл ажиллагааны талаар мэдээлэл авах суваг:
Лавлах утас: 350002, 8898-8045
FB page: https://www.facebook.com/PressInstituteMongolia/
FB page: https://www.facebook.com/Investigative-Journalism-Dialogue-1977621575593278/
Twitter: @Press_Institute