Баруун бүсийн төв-Ховд аймгийн Онцгой байдлын газрын Эрэн хайх аврах ангийн түүхт 20 жилийн ой тохиож байна.
Тус анги нь анх 1998 оны 5 дугаар сарын 21-ний өдрийн Батлан хамгаалах сайдын 177 дугаар тушаалаар “Аврах отряд” нэртэйгээр хурандаа Ж.Сүрэнжавын удирдлага дор 5 алба хаагч, 2 авто машинтайгаар байгуулагдсан түүхтэй.
Өдгөө тус анги нь хошууч С.Даваажаргалын удирдлага дор 14 алба хаагчтайгаар гамшгийн аюулаас хүн ам, мал амьтан, эд хөрөнгө, хүрээлэн байгаа орчныг хамгаалах, урьдчилан сэргийлэх, аврах хор уршгийг арилгах, хойшлуулшгүй сэргээн босгох арга хэмжээг баруун бүсийн хэмжээнд хэрэгжүүлэн ажиллаж байна гэж Ховд аймгийн Онцгой байдлын газраас мэдээллээ.
