Лондон хотын
шүүхээс Швейцарийн “MRI Trading AG” фирм болон Монгол Улсын зэс олборлогч “Erdenet
Mining Corporation” буюу “Эрдэнэт” үйлдвэр хооронд урт хугацаанд үргэлжилсэн
маргааныг хэлэлцэн шийдвэрлэжээ. Ингэхдээ Эрдэнэт үйлдвэрийн Их Британи дахь
хөрөнгийг царцааж, битүүмжлэх шийдвэр гаргасан тухай “Ройтерс” агентлаг
мэдээлсэн байна. “Ройтерс” агентлаг нэрээ нууцалсан эх сурвалжийн мэдээлснээр
“Эрдэнэт” үйлдвэрийн болон Их Британи дахь 12 худалдааны компани болон банкны
дансанд байгаа 7.115 сая ам.доллар болон 637.818 фунт стерлингээр хадгалсан 841
мянган ам.долларын хөрөнгийг царцаахаар шийдвэрлээд байгаа аж. Ингэснээр
“Эрдэнэт” үйлдвэр Лондоны биржид зэс болон бусад металл арилжиж, борлуулах
боломжгүй болж байгаа юм байна.